Ultimo programa do ano 2014

18 de DECEMBRO do 2014

Neste programa de hoxe propuxémonos felicitar aos nossos oíntes e seguidores, xa que coincide coa finalización das emisións e as datas de vacacións.

Comezamos o programa propoñéndolles escoitar un tema do Libro CD GATUXO, e aproveitamos para falar co seu autor MAGIN BLANCO. Seguro que este será un dos discos que máis se mercará nestas datas tan entrañables, para agasallar aos cativos galegos.

Despois chamamos a JUAN PEDRO, un dos principais responsables de ASOBECAT, que nos adianta a celebración do "12 FESTIVAL DO BOTILLO en Cataluña", no Hotel Front Air Congress, de Sant Boi de Llobregat. Tamén falamos con Raquel Palomero, responsable do Hotel.

Na segunda hora, como cada semana, falamos con Xosé Manuel F.Montes, o noso correspondente na Ribeira Sacra, encargado da sección QUEN CHE PREGUNTOU?, e donantes de despedirnos enviámoslle os nosos mellores desexos de felicidad para estas datas.

A ultima entrevista deste ano foi con don MANUEL PIÑEIRO, responsable da Xoiaría PIMAR, en Lugo, que nos fala da Campaña de NADAL que teñen organizada para estas datas dende o COXGA (Colexio Oficial de Xoiaría de Galicia) que consiste en prenencher un boleto para participar no sorteo de 2015€uros, pero ademáis comentamos con el a exposición do BELEN entre Xoias, que teñen no escaparate do seu establecemento, e que este ano representa una aldea galega.

Despedímonos ate o ano 2015: 

Que sexan moi FELICES!!

Que lles toque a Lotería!

Que teñan una boa despedida de Fin de ano! e 

Que os Reises veñan cargados con moitas cousas boas para todos!

11 de decembro do 2014

Un xoves máis con todos vosoutros, para tentar entretérmonos e conversar-entrevistar aquelas pesoas que nos suxerides e aqueloutras coas que contactamos e que nos reciben agarimosamente.

A primeira comunicación é con BIEITO ROMERO, de Luar na Lubre, que veñen de publicar o seu CD TORRES DE BREOGHAN, a luz dos Milesians. Agradecémoslle a súa atención e mantemos unha conversa moi ilustrativa sobre o seu traballo e os vindeiros concertos. Felicitámolo.

De segundas conectamos con CARLOS NÚÑEZ, e para saudalo escoitamos una peza do seu ultimo CD : "INTER-CELTIC". Virá a realizar unha serie de Concertos a Catalunya, esta fin de semana concretamente: Manresa, Torroella de Montgri e Vilanova i la Geltrú. Tamén realizará un Concerto no Palau de la Música o vindeiro día 30 de decembro. Falamos moi distendidamente con el, acompañados de Manuel Marín, compañeiro da radio. Agradecémoslle a súa dedicación e atención, e prométenos que en vindeiras conexións posiblemente nos agasalle cunha entrada dobre para asistir ao seu Concerto no Palau. 

A terceira comunicación é  con GUADI GALEGO, outra artistaza do eido musical galego, á que saudamos cunha das pezas do seu CD : LÚAS DE OUTUBRO E AGOSTO. Felicitámola e agradecémoslle que nos atendera tan amablemente. Desexámoslle moitos éxitos e despedímola con outra peza do seu CD.

Finalmente falamos co noso correspondente na capital da Ribeira Sacra: Xosé M.F.Montes, encargado da sección QUEN CHE PREGUNTOU?, que sempre nos ten preparadas unha serie de informacións-noticias coas que vimos debullando un chisco da actualidade galega do momento.

Despedímonos desexándolles que pasen unha semana moi feiticeira. Voltaremos o vindeiro xoves con máis entrevistas, conversas, noticias e música. ¡Agardámosvos!

XOVES 4 de decembro do 2014

Unha semana máis con todos vosoutros tentando levar adiante este programa en língua galega con entrevistas e conversas amenizadas coa nosa música galega.

Temos que disculpar ao noso correspondente de GALESPORT, Victor, xa que hoxe non podemos realizar a conexión semanal, como nos tiña acostumados.

A primeira comunicación é con ALFONSO LÓPEZ, autor e propietario do Blog: RECETAS DE RECHUPETE, a quen felicitamos por ter acadado un premio ao ser elixido o mellor blog gastronómico de España, e tamén de Galicia. A conversa-entrevista é moi esclarecedora e interesante.

Depois falamos con don OSCAR RODRÍGUEZ, Presidente do COXGA (Colexio Oficial de Xoiaría de Galicia) que nos informa do fallo do "III Concurso de deseño de soias SAN ELOI"  que se fixo en Allariz, e no que resultou gañadora SONIA MARÍA VIZCAINO INSUA, con quen tamén aproveitamos para falar e felicitala por ter acadado o 1º Premio, xa por segunda vez.

Na segunda hora conectamos coa capital da Ribeira SACRA (Monforte) para falarmos co noso correspondente XOSÉ M.F.MONTES, encargado da sección QUEN CHE PREGUNTOU? e que nos fai un percibido polas informacións relacionadas con Galicia e que el escolle con precisión. Acabamos a conexión coas súas recomendacións e propostas para esta fin de semana.

Acabamos o programa dedicándolle uns minutiños ás novidades musicais chegadas á nosa Redacción: O CD de GUADI GALEGO: Lúas de outbro e agosto. Saíu ao prelo o CD de Luar na Lubre: Torre de Breoghan. Celebración do "25 aniversario da Asociación de Gaiteros Galegos", á que asistirán Leila, Treixadura, Os Carunchos, Abertal, Raúl Galego, Nela de Bres, Otilio da Fonsagrada, Desiderio da Pontenova, Antonio de Lourenzá, Modesto da Fonsagrada e o Grupo de Mestres da Tradescola. Farase no Auditorio de Galicia, en Santiago de Compostela, esta fin de semana.

Agardamos que volvades a sintonizarnos a vindeira semana.

XOVES 27 do mes dos SANTOS do 2014

Comezamos a nosa emisión dándolles una sorpresa a tódolos nosos oíntes e seguidores. Agradecémoslles que estean ahí e as súas palabra agarimosas e de ánimo que nos envían polas "redes socias". ¡Graciñas a TOD@S!!!!!!!

Depois das salutacións de rigor comeza o programa coa intervención de SES, en directo, nos estudios de Radio Sant Boi. Un fondo agradecemento a IVÁN SANJURJO e a SES por virnos a saudar e ofrecer este "mini-concerto". ¡¡¡Moitas GRAZAS!!!. Nun primeiro momento agasallounos cunha interpretación dedicada a tódolos oíntes e mantivemos unha conversa moi amena. Aquí tedes a súa actuación e a conversa-entrevista, primeira parte. 

Despois fíxonos outro agasallo musical en directo: Labrega Bergantiñana:

E para finalizar a conversa tivemos a ocasión de que nos falara dos seus proxectos inmediatos, do Concerto en Soria o venres pola noite con motivo do Festival de Cortos de Cine, que se celebra nesa cidade; o Concerto que realizará, xunto cos convidados "O Val das Mouras" na Sala Salamandra,2 de Hospitalet de Llobregat o vindeiro sábado día 22 ás 10h da noite e despedímolos desexándolles moitos éxitos en todo. Novamente: MOITAS GRAZAS!!!

Na segunda hora conectamos con Galicia para falarmos con outra Cantautora galega: LUCÍA PEREZ, que nos atende moi amablemente para falarnos do seu ultimo traballo: QUITAPENAS. A verdade é que estamos encantados de poder ofrecerlles a tódolos nosos oíntes e seguidores estas entrevistas con personaxes de actualidade e renome musical, que nos reciben con tanto agarimo e nos dedican o seu tempo para falarnos das súas cousas e contestar ás nosas preguntas. É un pracer e un orgullo para nosoutros, poder achegarnos a eles. ¡¡¡ Graciñas !!!

Tamén chamamos a XOSÉ RAMÓN, un veciño máis como nos puntualiza el mesmo, da PLATAFORMA CASTELO DE MONTERREI, co que mantemos unha conversa moi ilustrativa e amena relacionada coas reivindicacións sobre este - BIC - Ben de Interese Cultural de Galicia, situado no Val de Verín, e que é a máis grande fortaleza da nosa Comunidade.

Falamos con MARGA VÁZQUEZ, responsable de "SECRETOS DE GALICIA" : Unha experiencia máxima con sabor á nosa terra, como eles mismos se definen na súa página web. Productos galegos de calidade.

A vindeira semana máis. ¡¡¡ Agardámosvos !!!

20 de NOVEMBRO do 2014

Comeza o programa coa ausencia de Xulio Cougil, pero conecta directamente con VICTOR VÁZQUEZ, o correspondente encargado da sección GALESPORT.

A continuación entrevista-conversa con DANIEL ARZA, un dos responsables da empresa CAURELOR, que se dedica á explotación e venta de castañas do Caurel e doutros productos naturais da zona que comercializa ate por internet.

Na segunda hora, coma sempre, conexión con XOSÉ M.F.MONTES, o noso correspondente na capital da Ribeira Sacra (Monforte de Lemos), encargado da sección QUEN CHE PREGUNTOU?

E a ultima conversa-entrevista é con MANUEL CURIEL Fernández, cieneasta e moi entendido pestes asuntos cinematográficos. Investigador e autor galego, que informa con detenemento de aspectos relacionados coa asunto cinéfilo.

13 de NOVEMBRO do 2014

Ainda que cun chisco de retraso "colgamos" a emisión do xoves 13 de novembro pasado. Non puiden asistir aos estudios, polo que non me foi posible recoller toda a información. 

Comezou o programa ARMANDO FERNÁNDEZ, acompañado de ALFREDO GONZÁLEZ VILELA, e nos controis técnicos DAMIÁ. Manteñen una pequena conversa arredor do CD que acaba de publicar: VERITAS MI, e que presentará no Castell de Cornellà, coa asistencia confirmada de diversas autoridades.

A primeira conexión é con VICTOR VÁZQUEZ, o correspondente que se incorporou fai unhas datas, encargado da sección GALESPORT.

A segunda intervención é con DANIEL MINIMALIA, un cantautor galego que acaba de publicar o seu ultimo traballo e do que xa tiñamos falado nalgunha ocasión: "Arenas de Luna". A oportunidade de falar con Daniel dalle pé para poder escoitar un chisco da súa música.

Na segunda hora conecta co noso correspondente na capital da Rbeira Sacra, Monforte de Lemos, Xosé M.F.Fontes, encargado da sección QUEN CHE PREGUNTOU? e que sempre ten escollidas unhas cantas noticias e informacións interesantes.

A ultima intervención-conversa e con don OSCAR RODRÍGUEZ, Presidente do COXGA (Colexio Oficial de Xoiaría de Galicia) que informa do III Concurso de Deseño de Xoias San Eloi, e que se fallará e entregará en Allariz o vindeiro día 29 deste mismo mes de novembro. 

6 de NOVEMBRO do 2014

A emisión de hoxe comezámola conectando co noso correspondente de deportes VICTOR VÁZQUEZ. Comentamos con el a posibilidade de nomear a súa sección como GALESPORT (Deporte galego e en galego). Agradecémoslle a súa colaboración e agardamos a súa intervención para o vindeiro xoves, novamente.

A segunda conversa-entrevista é con XURXO MARTÍNEZ, Licenciado en Filoloxía Galega pola Universidade de Vigo, que está a participar coa Universidade de VIC nunhas xornadas encol da relación que existe entre o Rexurdimento galego e a Renaixença catalana: IX Col.loqui Internacional Verdaguer. Agradecémoslle a súa aportación e desexámoslle moitos éxitos.

Na segunda hora, como cada semana a sección QUEN CHE PREGUNTOU? da que se encarga o noso correspondente na Ribeira Sacra, Xosé M.F.Montes, e que nos fai un percorrido galego-informativo moi peculiar, e moi entretido.

E para finalizar falamos con IVAN SANJURJO, representante da nosa amiga e cantutora SES (María Xosé Silvar) que virá a facer un concerto a Hospitalet o día 29 deste mes de novembro. Ofrécenos a posibilidade de sortear dúas entradas dobles entre aquelas persoas que nos chamen e participen con nosoutros contestando a estas dúas preguntas:

1ª.- ¿Cal era o grupo no que comezóu a actuar SES?

2ª.- ¿En qué barrio da Coruña vive ou se crióu a nosa cantautora?

Faremos extensiva a participación a tódalas personas que nos chamen ou nos envíen as suas respostas (indicándonos o enderezo -tfono. para poder poñernos en contacto con eles), tamén ao programa "Sempre en Galicia" de Radio Cornellà. 

Agradecémoslle a súa colaboración e aportación, prometéndonos voltar a poñernos en contacto con el para que nos siga a informar.

A vindeira semana voltaremos a estar con todos vosoutros. ¡Agardámosvos!

30 de OUTUBRO do 2014

O último programa deste mes. En primeiro lugar conectamos con VICTOR VÁZQUEZ, que a partir agora será o noso correspondente galego encargado do deporte en Galicia. Tentaremos facer unha boa cobertura relacionada co deporte, pero tamén nos gustaría recibir as suxerencias e propostas de tódolos nosos oíntes e seguidores. A vindeira semana falaremos desto un pouco máis detidamente para podermos acadar os obxetivos que nos propoñamos.

A segunda entrevista-conversa é co poeta e amigo-seguidor SUSO DÍAZ, que nos axuda a facer un percorrido polas súas inquedanzas, que tamén son as nosas. Sempre que o chamamos énchenos de información e novidades moi interesantes.

Na segunda hora comezamos coa conexión habitual de QUEN CHE PREGUNTOU?, a cargo do noso correspondente na capital da Ribeira Sacra, XOSÉ M.F.MONTES, que sempre ten unha chea de novidades e informacións escollidas por el para darlle un chisco de animación e "retranca" ao noso programa, e co que disfrutamos departendo coa súa conversa.

Para finalizar detémonos a comentar  as novidades musicais chegadas á nosa Redacción e que nos informan da presentación do CD de DANIEL MINIMALIA: ARENAS DE LUNA e do CD de FIANDOLA: "VOLTA E MEDIA". A vindeira semana prometémonos tentar falar con algún deles para que nos falen algo máis polo miúdo destes seus traballos.

Agardámosvos a TOD@S o próximo xoves, xa no mes dos SANTOS.

XOVES : 23de OUTUBRO do 2014

Comezamos esta nova emisión conectando con Galicia para falarmos con CARMEN PENIN, de "2 na Fornteira", o grupo musical que nos agasalla cunha serie de temas que nos envióu e aproveitamos (escoitándoa de fondo) para felicitala polos éxitos que está acadando, así como da súa traxectoria e dos proxectos e concertos que próximamente teñen previsto realizar. Despedímola cunha das fermosas cancións deles.

Comentamos a nosa asistencia á presentación dos viños da D.O. Ribeiro no Hotel Marina de Barcelona, que se celebrou onte á noite. Tamén comentamos algunha cousiña máis e propoñémoslles escoitar outra peza musical galega: do CD ARRUIDOS, de Cantares do Brión.

Na segunda hora falamos con XOSÉ M.F.MONTES, o noso correspondente na Ribeira Sacra, encargado da sección QUEN CHE PREGUNTOU? e que sempre nos ten preparadas algunhas informacións relacionadas coas novidades en Galicia e otras cousas interesantes.

A ultima parte é para falarmos con MARÍA XOSÉ SILVAR, más coñecida como SES, cantautora cunha proxeción musical moi importante e que próximamente fará unha actuación coa súa banda na Sala Salamandra de Hospitalet de Llobregat, concretamente o día 29 do vindeiro mes de novembro. Teremos tempo de voltar a entrevistala, un chisco máis detidamente, e prometrmos poñernos en contacto con ela para comentar moitas máis cousas e facer un agasallo a aqueles oíntes e seguidores que desexen asistir ao seu Concerto. Despedímola coa súa música.

A videira semana máis.

quen che preguntou

Unha emisión máis en galego, coa intención de facervos pasar dúas horiñas de radio entretidas. Comezamos comunicándonos con XESÚS VIZCAIA, "Xús" para os amigos. Un apicultor de Viana do Bolo (Ourense) con quen mantemos unha conversa moi interesante relacionada coas abellas, e moi concretamente cunha proposta moi engaiolante: "Apadriña unha colmea". Agradecémoslle a súa atención e prometémonos voltar a falar con el para que nos siga a ilustrar sobre o seu traballo.

Continuamos en Ourense, pero nesta ocasión achegámonos ao Carballiño para conversar con SERXIO, da Panadería "Europa", pero que xa é máis coñecido como "Pan P'a Todos", e que como el mesmo nos indicou seguro que mudarán o letreiro e adoptarán este último porque se atopan moi a gusto con esta definición do seu negocio. En vindeiras datas voltaremos a comunicarnos con Serxio e Mati, para que nos falen da súa traxectoria.

Na segunda hora, como cada semana, conectamos coa capital da Ribeira Sacra, para que nos fale das noticias que escolle o noso correspondente XOSÉ M.F.MONTES, e que sempre veñen acompañadas de certa retranca e retrouso no seu falar. A sección QUEN CHE PREGUNTOU?, vai acadando outra dimensión; os nosos oíntes e seguidores así o confirman.

Antes de finalizar o programa escoitando música galega, conversamos e entrevistamos a don MIGUEL ANXO VISO DIÉGUEZ, Presidente da C.R.D.O. Ribeiro, que nos fala do evento no que teñen previsto participar en Barcelona: Forum Gastronómico, presentando nada menos que os viños de 13 adegas do Ribeiro, acompañado de don Diego López (Restaurante La Molinera) mellor cociñeiro do ano,  dona Meritxel Falgueras, sommelier e don Pablo Vidal, Director técnico. Todo un equipo de altura para presentar os viños do Ribeiro. Agradecémoslle as súas palabras e a súa amable atención. Seguro que voltaremos a facerlle algunha chamadiña, máis adiante, para que nos facilite unha valoración do acontecemento.

A vindeira semana máis e, se podemos, mellor. 

9 de OUTONO do 2014

Unha nova emisión deste noso programa en galego, para tódolos nosos oíntes e seguidores. Comezamos conectando con Galicia, concretamente coa Ribeira Sacra, para falarmos con CESAR ENRIQUEZ, dono das Adegas CACHIN, na Abeleda. Despois de felicitalo polo éxito acadado últimamente: Foi o viño que escolleu OBAMA, para degustar cos congresistas nunha recente celebración, mantemos unha pequena conversa-entrevista na que intercambiamos informacións e comentarios diversos.

Despois falamos con XOSE MANUEL GARCÍA CREGO, Presidente do Coro Tradicional CANTARES DO BRIÓN, que veñen de publicar un CD moi engaiolante, titulado ARRUÍDOS. Aténdenos moi amablemente e conversamos sobre o traballo que levan adiante e da súa traxectoria. Agradecémosllo e prometémonos volver a conectar con eles para que nos vaian dando noticias súas.

Na segunda hora retomamos a "rutina" habitual de cada semana, tal e como viñamos facendo na tempada anterior, e comunicámonos co noso correspondente XOSÉ M.F.MONTES, que nos pon ao corrente das noticias que escolle para todos nosoutros, na súa sección: QUEN CHE PREGUNTOU?

E para o final deixamos a conversa con don MIGUEL ANXO VISO, Presidente do Consello Regulador do RIBEIRO, con quen departimos un chisco falando do Ribeiro e das moitas e interesantes novidades que sempre teñen. Foi curta a entevista e por iso comprometémonos a voltar a incomodalo para que nos fale da próxima-recente visita que farán a Cataluña para amosar os viños do Ribeiro a tódolos que se queiran achegar á mostra.

A vindeira semana máis. ¡Agardámosvos!

Outro xoves máis, emitindo en galego

02 de outono do 2014

Esta semana puxémonos en contacto cunha serie de persoas relacionadas cos nosos instrumentos galegos máis tradicionais e tivémola sorte de contactar con FERNANDO MOSQUERA, gaiteiro de Toledo, fundador da primeira Banda de Gaitas de Castela-La Mancha, que nos sorprendeu cunha chea de noticias moi interesantes e amosounos o moitísimo traballo que leva facendo en prol da música galega en xeral. Tamén nos falou da súa traxectoria musical e docente, así como da próxima publicación dun CD no que contará cunha ducia de colaboradores de moito renome ademais da Mosquera Celtic Band. Agradecémoslle a súa amable atención e comprometémonos voltar a contactar con el en vindeiras datas e falarmos da presentación dese seu traballo, desexándolle que colleite moitos éxitos.

Aproveitamos o contacto de ANTONIO LOMBARDÍA, responsable de relacións da Asociación Cultural Galega ROSALÍA DE CASTRO, de Cornellà, para que nos de cumplida información das Actividades que veñen desenvolvendo ao comezo desta nova tempada así como dos Actos que teñen previsto para este trimestre.

Chamamos a Galicia para falarmos con SITO CARRACEDO, que rexenta o OBRADOIRO do mesmo nome, adicado precisamente á Gaita Galega e outros instrumentos tradicionais. As súas informacións son leccións de mestre para todos nosoutros. Fálanos dos seus traballos de invención (Termohigrómetro, Hidrotapón) así como tamén da recuperación dunha gaita alemana (Smail Pipe), da Dudel Sac... etcétera. Tamén nos comenta, un pouco por enriba a súa publicación tan importante como é o libro "Palleta Maldita", que calquera gaiteiro que se precie debería ter ou alomenos consultar. Agradecémoslle a súa colaboración e aportación a este noso programa e despedimonos ata outro momentiño en que tentaremos roubarlle un bocadiño maís do seu tempo para que nos informe das novidades e traballos que a bon seguro estará investigando xa neles.

Para rematarmos conectamos con Guitiriz, para falarmos con XOAN XOSÉ, que dirixe a Panadería LA ESQUINA, para que nos fale dos productos que elaboran, pero moi concretamente da TORTA DE MILLO, xa que son os especialistas dese bocado exquisito da repostería daquela zona. Tamén nos pon ao corrente das posibilidades que teñen tódolos nosos oíntes e seguidores, xa que desde a súa páxina web calquera pode ser cliente e demandar os produtos que elaboran na súa panadería. Son poucos minutiños de conversa pero chegounos para coñecer un chisco máis polo miúdo este doce-postre emblemático do pobo de Guitiriz (Lugo), e os diversos produtos que poden adquirir na Panadería do Xoan Xosé. Agradecémoslle a súa atención e despedímonos del e de tódolos nosos oíntes e seguidores ate o vindeiro xoves.

¡Graciñas por estardes ahí!

xoves 25 de setembro do 2014

Outra emisión máis deste noso programiña en galego. Esta semana non poderemos contar coa participación e asídua colaboración do noso correspondente na capital da Ribeira Sacra (Monforte), Xosé Manuel F.Montes, por mor de certas obrigas personais, pero tentaremos suplir a súa ausencia con otra alternativa interesante. 

Comezamos propoñéndolles escoitar a EMILIO RÚA, nunha das súas interpretacións musicais e deseguida conectamos con el para que nos fale dos seus traballos e dos proxectos que ten previsto realizar próximamente. Unha conversa-entrevista moi interesante e chea de novidades.

Aproveitamos para darlles a coñecer algunhas novidades musicais que nos chegam á Redacción e facemos algúns comentarios denantes dos sinais horarios.

Na segunda hora chamamos ao noso amigo ALFREDO GONZÁLEZ VILELA, Cantautor galego afincado en Catalunya que ven de publicar un traballo moi interesante: VERITAS MI, e do que escoitamos algunha peza denantes de falar con el e poñernos ao día das súas ultimas actuacións e dos seus vindeiros Concertos e Presentacións. Agradecémoslle a súa atención e prometémonos volver a comentar con el, máis polo miúdo, moitas cousas relacionadas coa música, aquí nos estudios da radio. 

A ultima entrevista é con don XOSÉ BOUSO, Presidente do Club Deportivo LUGO, ao que felicitamos e agradecémoslle que nos atenderá tan amablemente. Dirixe un equipo que acaba de ascender á Segunda División do Futbol Español. El mesmo nos indica que con tan pocos socios (aproximadamente una 3 mil) atrévense a traballar para manterse nesa categoría tan difícil e comprometida. Actualmente atópanse no posto 14 da taboa de clasificación, empatados a puntos con outros seis equipos e tamén participan na competición da Copa do Rei, que os enfrontará co R.C.Betis, de Sevilla. Despedímonos do Presidente desexándolles que sigan a colleitar moitos éxitos e que alomemos se manteñan nesa categoría. 

A vindeira semana máis. ¡Agardámosvos a todos!

Primeiro programa da nova tempada 2014 - 2015

Comezamos esta nova tempada coa emisión deste programa de radio en galego, coa intención e desexos de compracer a tódolos nosos oíntes e seguidores. Despois das presentacións de rigor, propoñémolles escoitar a música do noso primero convidado : DAVIDE SALVADO, con quen mantemos unha conversa-entrevista chea de interesantes novidades e coñecemos un chisco máis a súa traxectoria así como os novos proxectos que ten previsto realizar. Agradecémoslle a súa amable atención.

Denantes de continuar, coa conexión con Galicia, colocamos aquí a entrevista que mantivemos con DAVID FERNÁNDEZ, membro fundador e compoñente do Grupo de música VAL DAS MOURAS, con quen tiñamos falado en anteriores ocasións, pero que neste caso aproveitamos a súa participación nas Festas de Bellvitge.

Na segunda hora falamos con XOSE M.F.MONTES, o noso correspondente na Ribeira Sacra para darlle a ben-vinda e agradecerlle que volva a aceptar a responsabilidade que viña desenvolvendo connosco para levarmos adiante este programiña, e encargarase da sección que el mesmo bautizou co nome de QUEN CHE PREGUNTOU?

A ultima intervención é con YAYO DACOSTA, que é o novo Xuíz no programa de Antena 3 : TOP CHEF, e que ademáis rexenta o restaurante do seu mesmo nome en CAMBADOS e que ten unha estrela Michelín. Agradecémoslle a súa atención, felicitámolo polos éxitos acadados e desexámoslle que siga acadando moitos máis, prometéndolle que en canto poidamos voltaremos a chamalo para que nos fale das súas experiencias e proxectos.

Desexamos que volvan a sintonizarnos a vindeira semana, á mesma hora e con máis propostas para todos.

Ultimo programa desta tempada

XOVES 26 de XUÑO do 2014

Para despedirnos de tódolos nosos oíntes e seguidores, este programa de hoxe tivemos a ocasión de falar con ANDRES PENABAD, Profesor Acordionista de As Pontes (A Coruña) que ven de publicar o seu primeiro Disco CD "Crossings". Mantemos con el unha conversa moi interesante e prometémonos voltar a falar con el en vindeiras ocasións. 

As noticias que chegan á nosa Redacción fan que lle adiquemos un chisco de tempo para comentalas, e centrámonos nos comentarios relacionados coa recuperación do Carballo Anano (Quercus Lusitanica Lam) e o Lirio do monte (Iris Boissieri) no Monte Pindo-Parque Natural, despois dos incendios sofridos o verán pasado.

Na segunda hora conectamos con Monforte, a captial da Ribiera Sacra, para que o noso correspondente Xosé Manuel F.Montes nos relate os sucedidos e escollas que sempre nos ofrece na súa sección: QUEN CHE PREGUNTOU?

Denantes de despedírmonos voltamos a facer algúns comentarios sobre as novidades musicais galegas e facémonos eco do recente traballo publicado polo grupo de música retrovanguardista "ULTRÄQUÄNS". Tamén aproveitamos para felicitar á nosa amiga SES (María Xosé Silvar), que ven de recibir o Premio LEIXAPREN 2014, pola súa promoción da língua galega e que entrega cada ano, desde o 1999, a Coordinadora Galega de Equipos de Normalización e Dinamización Linguística Galega. Os votos dos Profesores e alumnos foron os que decidieron este premio.

E despedímonos ate o mes de setembro, que voltaremos desexando que teñades un ¡Moi Feliz Verán! e que voltemos todos con moitos azos e coas "pilas" cargadas para poder afrontar unha nova tempada.

19 de XUÑO do 2014

No programa de hoxe ofrecémoslles variedade e moita información comprimida. Axudámonos da nosa música gallega para irmos adubiando as conversas que mantivemos e tentamos facerlles agradables estas dúas horiñas de radio en galego.

Nun primeiro momento falamos da "FESTA Galega" de Can Mercader, organizada pola A.C.G.Rosalía de Castro de Cornellà, e propoñémoslles escoitar algunha peza musical galega.

A seguinte intervención-entrevista é con CARMEN PENIN, de "2na FRONTEIRA", que nos atende moi amablemente e comentamos con ela os seus traballos e actuacións, así como os proxectos de futuro que teñen previsto realizar. Agradecémoslle a súa dedicación e desexámoslles moitos éxitos,  prometéndonos voltar a comunicar con ela para que nos siga informando das súas creacións.

De seguido comunicamos co Presidente da Asociación C.G.Rosalía de Castro, don ALFONSO RICO, que nos debulla moi detalladamente os actos previstos realizar nos 3 días de Festa en Can Mercader.

Falamos agora co don ELADIO PIÑEIRO, da Adega familiar do mesmo nome, con quem mantemos unha conversa moi agradable e moi enriquecedora sobre a elaboración dos viños que produce na súa propiedade, e moi detalladamente sobre o viño albariño ENVIDIA COCHINA. Agradecémoslle a amable atención que nos dispensa e voltaremos a conectar con el en videiras ocasións.

Enchémonos de ledicia ao voltar a comunicar con SES, María Xosé Silvar, a nosa cantautora galega máis "rompedora" no eido musical  galego, que nos recibe moi amablemente. Coméntanos varias das súas ultimas actuacións e do moitísimo traballo que ten por diante para este verán. Anúncianos, en primicia, que seguramente para o outono teremos a oportunidade de disfrutar da súa presencia e actuación en terras catalanas. Felicitámola e desexámoslle que siga acadando éxitos "a barrer".

A vindeira semana voltaremos con máis informacións e entrevistas. ¡Agardámosvos!

12 de xuño do 2014

Unha entrega máis do noso programiña en língua galega. Disculpamos a ausencia do noso compañeiro XULIO por mor de certas obrigas persoais.

A primeira comunicación con Galicia facémola conectando con AÏNOA MALLO, Profesora do Curso de motivación para a venda de xoiaría nun contorno cambiante, organizado polo COXGA, que nos explica con detalle esa proposta de formación para os profesionais da xoiaría en Galicia.

Despois damos a coñecer, polo miúdo, a realización da Festa Galega en Can Mercader, que cada ano organiza a A.C.G.Rosalía de Castro de Cornellà, e que este ano cumple o seu 34 Aniversario.

Na segunda hora conectamos coa Ribeira Sacra, para recoller as propostas que nos ofrece o noso correspondente XOSE MANUEL.F.MONTES, encargado da sección QUEN CHE PREGUNTOU? e que sempre ten unha boa recolecta de sentencias con retranca.

Falamos logo con DANIEL PÉREZ, un dos Profesores que impartieron un Curso de BIRIMBAU ou TROMPA, na Fonsagrada, aos cativos de Primaria daquela localidade. Agradecémoslle a súa aportación e seguro que voltaremos a contar con el para vindeiras ocasións.

A vindeira semana máis.

XOVES 5 de XUÑO do 2014

Unha emisión máis do noso programiña en língua galega. Dúas horiñas de música, noticias e entrevistas relacionadas coa nosa cultura galega.

Hoxe comezamos con FRAN ALLO, un músico nado en Santiago de Compostela, que ven de publicar un seu primero traballo-CD titulado : "El sueño que persigo", e que acaba de chegar de Alemania, onde estivo presentándoo e deleitando a tódolos asistentes no seu concerto, do que ven cheo de satisfacción polo éxito acadado. Felicitámolo, doblemente, xa que mañá é o seu cumpleanos, e tamén polo seu CD.

A segunda conversa é con SUSO DÍAZ, un amigo e colaborador das nosas emisións, ao que tamén felicitamos pola publicación dun feiticeiro traballiño poético coordinado por ANTONIO GOMEZ na Editora Regional de Extremadura. Agasállanos despedíndose coa lectura dun seu poema.

Na segunda hora conectamos co noso correspondente na Ribeira Sacra, Xosé M.F.Montes, que nos pon ao corrente das diversas informacións galegas escollidas para sección QUEN CHE PREGUNTOU?

No final conectamos con RAFA CARPACHO, Jefe de Prensa do REAL CLUB DEPORTIVO de A Coruña. Felicitámolo polo seu recente ascenso á 1ª División do fútbol español e desexámoslles moitos éxitos.

A vindeira semana voltaremos e agardamos a vosa sintonización e participación con nosoutros.

XOVES 29 de MAIO do 2014

Outro programiña máis en língua galega, para podermos ofrecerlles algunha entrevista interesante e novidades da nosa Galicia, na nosa língua e coa nosa música.

A primeira Entrevista-conversa é con LUIS EMILIO BATALLÁN, un cantautor e compositor de música galega, que nos informa, en primicia para tódolos nosos oíntes e seguidores, do novo traballo CD que ven de rematar de gravar, titulado HABÍA QUE CHEGAR. 

Un bocadiño de música para escoitar, denantes de comenzar a segunda horiña de radio.

E deseguida conectamos novamente con Galicia para falarmos co noso correspondente na capital da Ribeira Sacra (Monforte) don Xosé M.F.Montes, encargado da sección QUEN CHE PREGUNTOU?, e que nos pon ao corrente das súas propostas informativas e aportacións con sentencias galegas de "moita retranca".

A ultima intervención correspóndelle a dona LORENA REINALDO, compoñente do grupo de música LULAVAI. Mantemos unha conversa-entrevista interesante na que nos informa, moi brevemente, da súa formación e traxectoria, así como dos  próximos proxectos. Agradecémoslle-lo e prometémonos voltar a conectar con elas.

A vindoira semana máis. Agardamos que sigan sintonizándonos.

XOVES 22 de maio do 2014

Un programiña máis, con vosoutros, para ofrecervos dúas horiñas de radio en galego, con música, entrevistas e novidades. Comezamos coa audición dunha peza de música tradicional galega e de seguida conectamos con Galicia para falarmos cun músico nado en A Fonsagrada, pero residente en Santiago de Compostela: XOAN CURIEL, que nos atende moi amablemente. Facemos un pequeno percorrido pola súa traxectoria musical e artística, chea de creacións e premios. Agradecémoslle a súa aportación e comunicación e prometémonos voltar a conectar con el para que nos siga informando das súas inquedanzas e traballos.

Comentamos algunhas das novidades e informacións diversas que nos chegan á Redacción da nosa emisión e voltamos a escoitar algunha peza musical máis.

Na segunda hora conectamos con Galicia novamente, concretamente con AITOR, un dos responsables do Restaurante CASA de CURRO, en Baralla. Fálanos do seu establecemento e das posibilidades de poder degustar dos bos menús e manxares que ofrecen aos seus clientes. Xa é a segunda vez que nos atenden e fainos unha pormenorizada descripción dos boas viandas que podemos degustar, especialmente as carnes da zona, a merluza de Celeiro, os postres caseiros e o viño con D.O.Monterrei, elixido por eles mesmos e marca distintiva da casa. Agradecémoslle a súa amable conversa e prometémonos saudalo persoalmente e visitalo no seu Restaurante cando vaiamos pola Terra.

Despois de escoitar a "SONDESEU", voltamos a conectar con Galicia, para falar con SAMUEL, da Asociación Cutural e Recreativa de Beade, en Vigo. Mantemos unha conversa-entrevista relacionada coa "29 FESTA-FEIRA da CEREIXA" desa localidade, que celebrarán dende o día 31 deste mes ata o día 8 de xuño. Felicitámolos polas moitas actividades que están organizando e desexámoslle moitos éxitos.

Despedímonos lembrándolles que este noso programa re-emítese os domingos de 1h a 3h do serán. Agardamos que volvan a sintonizarnos o vindeiro xoves.

15 de MAIO do 2014

Mari Luz e LOLA do Manai sea ela

Neste día de San ISIDRO, dámoslle a ben-vida a tódolos nosos oíntes e seguidores cunha peza de música de María do Ceo e deseguida conectamos con Galicia, concretamente con "A Fonsagrada"para falarmos con dona LOLA Niño, compoñente da Asociación Cultural Antaruxas e Sorteiros, desa localidad, que ademáis é propietaria do Bar-Café-Restaurante: , MANAIA SEA ELA.  Agradecémoslle a súa amable atención e manteemos unha pequena conversa-entrevista ches de engado. Fálanos das shas especialidades e servicios de atención, así como das tapas, bocadillos e menú, que sirven no seu local, e convida a tódolos oíntes e seguidores que pasen por Fonsagrada e paren a degustar as súas "Manaias".

Danos tempo de "facer unha voltiña" pola celebración do "Día das Letras Galegas 2014" adicado a Xosé María Díaz Catro, o poeta chairego autor de "NIMBOS" e falamos dos actos previstos en Lugo.

Na segunda hora comezamos a nos a intervención coa conexión e participación do noso correspondente na Ribeira Sacra (Monforte) XOSE M.F. MONTES, que como cada semana, nos ten preparada a súa intervención nesta sección QUEN CHE PREGUNTOU?. 

A ultima conversa-entrevista é con BIEITO ROMERO, do Grupo LUAR NA LUBRE, que nos pon ao corrente das vindeiras actuacións e do extraordinario espectcáculo que estan a preparar para o vindeiro día 21 e 22 de XUÑO, no Palacio da Ópera de A Coruña, que levará por título TORRE DE BREOGÁN - A luz dos Milésians, unha Sinfónica Céltica de Luar na Lubre coa Orquestra Sinfónica de Galicia. A verdade é que Bieito fainos apreciar, si cabe, un bocado máis a nosa música tradiciona, non só polo traballo que está a facer senón tamén pola dedicación e as súas verbas engaiolantes. Agradecémoslle a súa aportación no noso programa e prometémonos voltar a incomodalo para felicitalo polos vindeiros éxitos que seguro seguirán colleitando.

Despedímonos ate o vindeiro xoves. Non deixen de sintonizarnos. ¡¡¡ Graciñas a todos !!!

Emisión de hoxe: 08 de MAIO do 2014

Unha semaniña máis con todos vosoutros para tentar levar adiante este programiña en galego, para todos vostedes. En primeiro lugar conectamos con San Antolín de Ibias (As gurias) para falarmos cun grande coñecedor da realidade natural e social da zona: JAIME, periodista e guionista-productor dun traballo que está a preparar para dar a coñecer a realidade daquela zona, titulado ESCOMBROS, e que todos podedes acceder a el en Internet, e aproveitar a ocasión para facervos "mecenas" e partícipes deste traballo tan interesante.

Despois, unhas poucas novidades e informacións varias.

Na segunda hora comunicámonos coas Rías Baixas, concretamente con MOAÑA, para falarmos con MAIKA, unha experta coñecedora dos mexilóns galegos e conversamos con ela sobre outras moitas cousas relacionadas coa súa actividade no Concello. Convídanos a que pasemos por Moaña para coñecer máis polo miúdo este concello Pontevedrés, que ten moito que saborear e moito que ver.

A entrevista-conversa final é coa señora MARINA, da Panadería.Pastelería Linares, na Pontenova (Lugo), que nos fai un percorrido moi interesante do seu establecemento e achéganos as especialidades e demandas que teñen alí. Agradecémoslle a súa amable atención e participación e prometémonos volver a comunicarnos con eles para que nos sigan dando novedades.

Lembren que este programa reemítese os domingos de unha a tres do mediodía. Agardámosvos a vindeira semana, á mesma hora.

Programa atrasado do día 24 de Abril do 2014

Despois de darlle-la ben.vinda a tódolos nosos oíntes e seguidores, comezamos esta nova emisión conectando con Galicia para falarmos con MARTA QUINTANA, coa que mantemos unha pequena conversa-entrevista para que nos fale do seu ultimo traballo LUS que estará adicado a musicar e cantar os poemas de DIAZ CASTRO, acompañada nas guitarras por Luís Pimentel. Agradecémoslle a súa aportación e prometémonos volver a conectar con ela para que nos siga informando das próximas novedades.

Un bocadiño de informacións diversas, adubiadas cun chisco de música para chegar á segunda hora deste noso programa.

Nesta segunda hora falamos co noso correspondente na capital da RIBEIRA SACRA, Xosé ManuelF.Montes, que nos pon ao corrente dalgunhas noticias escollidas por el para amenizarnos a súa intervención.

A conversa-entrevista final é con FRAN ALLO, un cantante Compostelá, con quen temos falado en anteriores ocasións, pero que hoxe nos pon ao corrente das súas ultimas produccións.

A vindeira semana máis. Graciñas por estardes ahí e non deixedes de conectarnos.

10 de ABRIL do 2014

Neste ultimo programa, denantes da Semana Santa, temos en primeiro lugar, como convidado de honra, ao Ilmo.Sr.Alcalde de SOBER (Lugo), don Luís Fernández Guitián . A entrevista que mantemos versa sobre o propio Concello e moi en concreto sobre a XXXIV Feira do viño de AMANDI, que se celebrará a vindiera fin de semana, pero que veñen realizando unha serie de actos moi importantes dende o 15 de marzo pasado. Agradecémoslle a súa amable e desinteresada atención, aínda que non se atopaba moi ben da garganta. Foi todo un privilexio contar coa súa colaboración.

Temos tempo de dedicarlle un chisco de atención a varias informacións que nos chegan á nosa Redacción e propoñemoslles escoitar unhas pezas da nosa música galega.

Na segunda hora, como cada semana, conectamos co noso correspondente Xosé M.F.Montes en Monforte de Lemos, que se encarga da sección QUEN CHE PREGUNTOU?,  e fainos un percorrido detido sobre algunhas das informacións que seleccionou para este apartado.

A ultima entrevista-conversa é con XOSE LUÍS LATAS VILANOVA, un Profesor e Luthier-Artesán de gaitas, que rexenta un obradoiro do seu mesmo nome en Lugo. Fálanos das súas patentes e do seu traballo relaciondo coa investigación sobre ese instrumento galego e prometémonos voltar a conectar con el en vindeiras datas. 

Despedímonos escoitando unha nova peza de música galega e desexándolles unhas Moi BOAS e Felices Pascuas a tódolos nosos oíntes e seguidores. Até  o dia 24, que voltaremos á mesma hora.

Xoves, 3 de ABRIL do 2014

Outra entrega máis deste noso programiña en língua galega, que comezamos ofrecéndolles escoitar unha peza de música tradicional galega, interpretada por SUSANA SEIVANE, filla de ALVARO SEIVANE, Artesán do Obradoiro de Gaitas do mesmo nome (Seivane), que veñen de recibir o Premio Nacional de Artesanía 2013. Felicitámolo e mantemos con el unha conversa-entrevista moi interesante. Agradecémoslle a súa amable atención e prometémonos voltar a saudalo e entrevistalo con motivo de calquera outro evento ou novidade que se produza no seu entorno.

Unha pequena intervención e comunicación xunto co relatorio dun CONTO QUE NON É CONTO, ademáis da escoita dunha peza musical, denantes de realizar a seguinte intervención.

A segunda comunicación é co noso correspondente no corazón da Ribeira Sacra (Monforte de Lemos) Xosé Manuel F.Montes, que se encarga da sección QUEN CHE PREGUNTOU? e que sempre nos ten preparadas unha serie de informacións relacionadas coa actualidade gallega.

Despois conectamos con Galicia novamente, para falarmos con FRANCISCO PÉREZ, do Grupo de música NARF, a quen entrevistamos para que nos fale do seu grupo de das novidades e proxectos que teñen previsto realizar. Agradecémoslle a súa amable e desinteresada participación desexándolle moitos éxitos.

Despedímonos e convidámolos a que volvan a sintonizarnos a vindeira semana á mesma hora.

Programa do 27 de MARZO do 2014

Facemos entrega desta emisión (atrasada por mor de certas obrigas persoais) pero que seguro será do interese de tódolos nosos seguidores.

Nun primeiro momento poñémonos en contacto con XOAN PIÑÓN, componente e fundador do Grupo de música DOA, con quen mantemos unha conversa moi esclarecedora sobre esa formación musical e moi amena. Agradecémoslle a súa participación e colaboración no noso programa.

A seguinte comunicación é con don JAVIER PETEIRO, da Adega Auga Vella, en Chantada, que nos fai unha pequena descripción do que son as súas instalacións e dos produtos que eles elaboran. A conversa-entervista é moi interesante.

Aproveitamos uns minutiños para darlles a coñecer algunha "novidade" relacionada coa nosa Costa da Morte e propoñerlles que escoiten unha pequena selección de música galega, interpretada por unha banda e otras de música tradicional.

A ultima intervención é con dona PATRICIA Delponti, Directora de Comunicación e Imágen de LORO PARQUE, en Tenerife, que amablemente nos atende, e aproveitamos a intervención de Xulio Couxil que nos fai de correspondente nesta ocasión. Mantemos unha conversa-entrevista moi enriquecedora e chea de informacións precisas para podermos visitar ese grande Parque con 41 anos de existencia e co que disfrutan tódolos visitantes daquela illa encantadora. Agradecémoslle a súa desinteresada intervención e prometémonos voltar a entrevistala en vindeiras datas, por exemplo con motivo do Congreso Mundial de Papagaios, ou calquera outro evento que realicen.

Despedímonos ate o vindeiro xoves.

XOVES 20 de MARZO do 2014

Outra entrega máis deste noso programiña de radio en galego. Hoxe comezamos escoitando unha peza de música do grupo MATTO Congrio, xa que temos a honra de poder falar e manter unha conversa-entrevista cun dos seus fundadores: ANXO PINTOS, actual profesor na ETRAD de Vigo, que moi amablemente nos axuda a facer un repaso da súa traxectoria e de moitas novidades moi interesantes para nosoutros e tódolos nosos oíntes e seguidores. Agradecémoslle a súa atención.

Agora unha serie de informacións e a proposta de ouvirmos un chisco de música gallega escollida para compracer as demandas dalgunhos dos nosos oíntes.

Na segunda hora, como cada semana, poñémonos en contacto co noso correspondente na capital da Ribeira Sacra, XOSÉ M.F.MONTES, que nos ofrece unha serie de interesantes novidades informativas e despídenos con varias frases galegas, sempre cheas de moita retranca.

E seguimos con máis comunicacións, relacionadas coa música. Falamos agora con MINGOS LORENZO, músico profesor e fundador de PEDRAQUETIÑA. Mantemos unha conversa-entrevista moi esclarecedora da súa formación musical e novidades que próximamente realizarán. Agradecémoslle a súa colaboración e prometémonos volver a chamalo para que nos teña ao corrente de tódalas cousas que vaian sucedéndose no seu entorno.

A vindeira semana máis e, se podemos, mellor. Voltamos a informarlles que este mesmo programa volve a reemitirse o domingo... ¡Graciñas por seguirnos!

13 de MARZO do 2014

Este XOVES comezamos ofrecéndolles escoitar música do grupo TREIXADURA, e aproveitamos para falar cun dos seus fundadores XOAQUIN XESTEIRA, quen moi amablemente atende a nosa chamada. Paga a pena escoitalo xa que nos informa, moi polo miúdo, da traxectoria do seu grupo e del mesmo. Un profesor de Gaita e Percusión dos que podemos gabarnos tódolos galegos. Desexámoslle moitos éxitos e que continúe nesa liña de traballo tan fecundo.

A segunda comunicación é con XOSÉ M.F.MONTES, o noso correspondente oficial na Ribeira Sacra (Monforte), que se encarga da sección QUEN CHE PREGUNTOU? e que sempre ten preparadas unha man chea de informacións que nos aledan e gorentan.

A ultima intervención é con don MIGUEL, do Restaurante A NOVA RUTA, en Vilalba-Lugo, con quen mantemos unha conversa-entrevista moi interesante. Fainos un percorrido polas súas instalacións e convídanos a disfrutar da gastronomía que alí ofrecen. Agradecémoslle a súa aportación e prometémonos tentar facer unha paradiña nese fermoso lugar.

A vindeira semana máis.